CHIRWA ATUA JANGWANI KWA SH. MILIONI 240

Mshambuliaji raia wa Zambia, Obrey Chirwa amejiunga na Yanga kwa dau la sh. Milioni 240 akitokea katika klabu ya FC Platinum za Zimbabwe.

Chirwa ameifungia Platinum mabao matano katika mechi nane alizocheza kwenye ligi kuu ya Zimbabwe.
Mshambuliaji huyo pia yupo katika kikosi cha timu ya taifa ya Zambia chini ya umri wa miaka 23.
Kiungo huyo mshambuliaji amesaini mkataba wa miaka miwili kuitumikia Yanga na tayari Yanga wameshatuma jina la mchezaji huyo CAF ili wapate leseni itakayomwezesha mchezaji huyo kushiriki michuano ya kombe la shirikisho CAF CC.

Chirwa atashirikiana vizuri na mshambuliaji Donald Ngoma ambaye wamewahi kucheza wote katika klabu ya FC Platinum.

Yanga ilikuwa ikimuwania Winga Walter Musona lakini baadae walighairi na kuelekeza macho yao kwa Chirwa.

Bonyeza hapa ku-Like Page ya Soka24 Facebook