RUVU SHOOTING KUKIPA NGUVU KIKOSI CHAO

Ruvu Shooting ipo katika mipango ya kusajili wachezaji saba ili kujiimarisha kabla hawajaanza kipute cha ligi kuu Vodacom msimu wa 2016/17.

kwa sasa Ruvu Shooting inaendelea na kambi kwenye uwanja wa Mabatini Mlandizi, Pwani kujiweka fiti kwa ajili ya msimu ujao wa Ligi baada ya kuikosa michuano hiyo mwaka jana waliposhuka daraja.

Msemaji wa Ruvu Shooting, Masau Bwire amesema kikosi chao kimeshaanza maandalizi lengo kubwa likiwa ni  kuhakikisha wanaanza ligi vizuri.

"Timu yetu ipo kambini ikiendelea na mazoezi na wakati huo, tunaendelea kutafuta wachezaji wenye uwezoa ambao wataenda kushindana na kuleta ushindani katika ligi" alisema Bwire.

Akizungumzia kikosi hicho kwa ujumla Msemaji huyo alisema kuwa kuna matatizo katik safu yao ya ulinzi, winga na ushambuliaji kitu kinachowafanya waingie sokoni kusaka wachezaji watakaomaliza matatizo hayo.