HUYU NDO ANAYETARAJIWA KUWA KOCHA MPYA SIMBA

Baada ya kumkosa Kalisto Pasuwa kocha mkuu wa timu ya taifa ya Zimbabwe Simba walielekeza macho yao kwa kocha raia wa Ghana Sellas Tetteh Teivi

Simba wanakaribia kumpata kocha huyo baada ya mazungumzo kwenda vizuri, Sellas ni kocha maarufu sana Afrika na kutua kwake Msimbazi kunaweza kukaleta matumaini mapya katika klabu hiyo.

Zacharia Hans Poppe amesema wameshafanya mazungumzo ya awali na kwamba muelekeo ni mzuri na kama mambo yataendelea kwenda hivyo basi taratibu za kumsainisha kocha huyo anayeifundisha timu ya Taifa ya Sierra Leone kwa sasa zitakamilika.

"Tumefanya naye mazungumzo kwa wiki moja na mambo yanaelekea kuwa sawa pengine tukamtangaza kabla ya kumaliza zoezi la usajili na yeye akatusaidia kufanya usajili wa kikosi chetu cha msimu ujao." alisema Hans Poppe.

Sellas amewahi kuifundisha timu ya taifa ya Ghana na alifanikiwa kuingoza timu ya vijana ya Ghana chini ya umri wa miaka 23 kucheza kombe la Dunia mwaka 2013.

Bonyeza hapa ku-Like Page ya Soka24 Facebook