ANGEL DI MARIA AWEKA REKODI MPYA LIGUE 1

Mchezaji wa kimataifa wa Argentina Angel Di Maria amevunja rekodi iliyowekwa na Marvin Martin ya kutoa pasi za magoli (assists) 17 katika msimu wa 2010/11 baada ya ushindi wa magoli 4 – 0 walioupata PSG jana walipocheza na Nantes.

Di Maria amevunja rekodi hiyo kwa kufikisha pasi za magoli (assists) 18 katika msimu uliomalizika hivi punde wa 2015/16.

Katika mchezo wa wao dhidi ya Nantes Di Maria alitoa pasi zilizozaa magoli akimpasia Zlatan Ibrahimovic na Lucas Moura katika ushindi huo wa 4 – 0.

Rekodi iliyovunjwa ya assists 17 iliwekwa na Marvin Martin akiwa na FC Sochaux’s msimu wa 2010/11

Read More

YAYA TOURE ASAINI MKATABA NA CAEN YA UFARANSA

Ni hatua nzuri katika maisha yake ya soka, akiwa ametumikia klabu ya Aminens kwa miaka mitatu na kufanikiwa kupewa jukumu la unahodha katika kikosi cha vijana U17s, sasa  hivi amepata mkataba wake mkubwa.

Ikiwa inashika nafasi ya 8 katika msimamo wa ligi kuu nchini Ufaransa Ligue 1, Caen wameonyesha uwezo mkubwa katika ligi hiyo.

Baada ya kumuuza N’Golo Kante katika klabu ya Leicester City msimu uliopita, Caen walikuwa mawindoni kusaka kiungo mkabaji ambaye anaweza akakaba na kushambulia kwa wakati mmoja na Yaya Toure ameonekana kufiti katika nafasi hiyo, kutokana kuwa na kiwango kinachoonekana kufanana na cha Kante.

Amepewa jezi namba 6, namba ambayo alikuwa akiivaa pia alipokuwa na klabu ya Amiens, Yaya alitangazwa rasmi na Caen kuwa ni mchezaji wa timu hiyo kwa sasa.

Kiungo huyo mkabaji anafanana jina na midfielder  wa Manchester City Yaya Toure, lakini licha ya kuwa na majina yanayofanana hakuna uwezekano wa kuwachanganya kwa kutokujua yupi ni yupi.

Read More

ZLATAN IBRAHIMOVIC ATANGAZA RASMI KUONDOKA PSG

Paris: Zlatan Ibrahimovic amethibitisha ijumaa hii kuwa ataihama klabu ya Paris Saint-Germain mwishoni mwa msimu huu wa ligi, lakini Uongozi wa mabingwa hao wa ligi kuu nchini Ufaransa ligue 1 wamesema nyota huyo atarudi tena katika klabu hiyo hapo baadae na atapewa majukumu ya kiutawala.

“Mechi yangu ya mwisho katika uwanja wa Parc des Princes ni kesho. Nimefika katika klabu hii kama mfalme na naondoka kama Legend”. Yalikuwa maneno ya Ibrahimovic huku akimaliza uvumi kuwa huenda angeongeza mkataba wake na klabu hiyo mara baada ya mkataba wake wa sasa kumalizika.

Ibrahimovic ambaye mkataba wake na PSG unamalizika June 30 mwaka huu, atacheza mechi yake ya mwisho wa msimu dhidi ya Nantes jumamosi hii.

Wote wameshakubaliana kuwa mara baada ya Ibrahimovic kuacha kucheza soka, basi atajiunga na klabu hiyo tena kama kiongozi wa timu na si mchezaji.

Ibra anahusishwa na kujiunga na klabu za ligi kuu nchini Uingereza wakati huo wakala wake akisema kwamba superstaa huyo huenda akajiunga na timu yake ya zamani ya AC Milan.

Ibrahimovic ambaye wikiendi iliyopita alipewa taji la mchezaji bora wa mwaka Ufaransa kwa mara ya 3, amefurahia mafanikio makubwa aliyoyapata akiwa klabuni hapo tangu ajiunge na miamba hiyo ya Ufaransa akitokea AC Milan mwaka 2012, ameshinda taji la ligi kuu nchini humo katika misimu yote 4 aliyotumikia klabuni hapo, na endapo PSG watashinda kombe la Ufaransa (French cup) wiki ijayo basi PSG watakuwa wametwaa mataji yote ya ndani huku Ibrahimovic akishinda jumla ya makombe 12 tangu ajiunge  na klabu hiyo.

Read More

DI MARIA NA IBRAHIMOVIC WANG'AA WAKATI PSG IKIIADHIBU RENNES

VIGOGO wa ligi ya Ufaransa Ligue 1, wameendeleza ubabe wao tena jana kwa kuishushia kichapo kikali cha magoli 4 - 0 timu ya Rennes, mchezo uliopigwa katika dimba linalomilikiwa na Paris Saint-Germain, Parc des Princes.

Di Maria na Ibrahimovic walionyesha kiwango bora katika mchezo huo, huku Ibrahimovic akifanikiwa kufunga magoli mawili dakika ya 54 na 78.

Magoli mengine ya PSG yalifungwa na Maxwell 50' na la 4 lilifungwa na Cavani dakika za nyongeza za mchezo.

Matokeo hayo yameifanya PSG kufikisha pointi 89 katika michezo 35, wakishika nafasi ya kwanza huku wakifuatiwa kwa mbali na Olympique Lyonnais waliojikusanyia pointi 69 katika nafasi ya pili huku wakiwa wameshacheza michezo 36.

Pata habari za michezo kwa haraka zaidi kupitia soka24.blogspot.com

Read More

Christiano Ronaldo Kutua PSG

France football imetoa habari iliyotikisa zaidi kwa wapenzi wa soka ikimhusisha Star wa Real Madrid Christiano Ronaldo kutua katika klabu ya PSG.

Habari kutoka chanzo hicho zinaripoti kuwa Ronaldo amekutana mara 5 na Rais wa klabu ya PSG Nasser Al-Khelaifi. Habari zaidi zinasema mara ya mwisho kukutana kwa watu hao wawili ilikuwa ni wiki moja iliyopita.
Hii inatoa picha ya wazi kuwa PSG wanamhitaji Ronaldo.

Ronaldo na Maria Borges

Ronaldo pia akiwa Paris alipata kula chakula cha jioni na Mwanamitindo Maria Borges , Wawili hao walikutana mara baada ya Ronaldo kufunga Hat-trick dhidi ya Wolfsburg.

Habari zinaeleza kuwa Ronaldo alitumia ndege ya binafsi alipoenda kukutana na Rais huyo wa PSG na alirudi asubuhi ya siku iliyofuata.

Read More