Arsenal Yakamilisha Usajili Wa Shkodran Mustafi

Klabu ya Arsenal imetangaza rasmi kumsajili beki wa kati wa Valencia Shkodran Mustafi kwa ada ya uhamisho ambayo haijawekwa wazi.

Licha ya thamani ya uhamisho wa mchezaji huyo kutowekwa wazi lakini habari za chini chini zinasema mchezaji huyo ameigharimu Arsenal kiasi cha pauni milioni 41.

Alipohojiwa baada ya kukamilisha usajili huo kocha wa klabu ya Arsenal, Arsene Wenger alisema Mustafi ni mchezaji mzuri, yupo katika umri sahihi pia utakaomuwezesha kucheza soka kwa muda mrefu.

“Yupo katika umri sahihi. Ana uzoefu mkubwa,” Wenger aliiambia tovuti ya Arsenal. “Ni mchezaji ambaye anajua nini anapaswa kufanya na kwa wakati gani anayejua kuchezea mpira pia.”

“Tumepata mchezaji mzuri sana lakini mwenye matarajio ya muda mrefu.”

Awali Mustafi aliwahi kuichezea klabu ya Everton japo hakupata nafasi sana ya kucheza na hii inakuwa mara ya pili kwa mchezaji huyo kucheza ligi kuu nchini Uingereza.
===============
Stori Kubwa Zinazotikisa Anga La Michezo Hivi Sasa;

Rasmi:Wilfred Bony Atua Stoke City

"Yanga Timu Bora Zaidi Tanzania" Pluijm

Omog Ashusha Presha Za Wana Msimbazi

Aubameyang Aitamani Real Madrid

Simba Yabadili Gia Angani

Ungana na Soka24 Facebook, Bonyeza  HAPA