MIPANGO YA JULIO KATIKA USAJILI

Kocha wa Mwadui FC, Jamhuri Kiwelu "Julio" amesema yeye hana mpango wa kusajili wachezaji wa kigeni katika kikosi chake.

Julio amesema lengo lake ni kutoa fursa kwa wachezaji wa ndani waweze kuonyesha uwezo wao ili waje kulisaidia taifa baadae. Kocha huyo amesema atasaka wachezaji humuhumu ndani ya nchi kwani anaamini kuwa wachezaji wazuri wapo lakini hawapewi nafasi.

"Mipango yangu ni kutafuta wachezaji wa humuhumu ndani ya Tanzania kwa sababu kuna wachezaji wazuri lakini hawapati nafasi, mipango yangu ni kuvipandisha viwango vyao ili waje kuwa msaada kwa timu ya taifa maana leo tunaona mfungaji bora wa ligi kuu Vodacom wa kwanza hadi wa tatu wote ni wa kutoka nje" alisema Julio.

Kocha huyo alijinasibu kuwa kikosi chake kitafanya makubwa zaidi msimu ujao katika ligi huku pia akiamini kuwa atapata saini ya  Paul Nonga anayetaka kuondoka Yanga.

Like Ukurasa Wa Soka24 Facebook Hapa