SHOMARI KAPOMBE KURUDI MSIMBAZI

Klabu ya Simba imesema inapambana kuhakikisha wanamrudisha kikosini beki wao Shomari Kapombe anayeitumikia klabu ya Azam FC kwa sasa.

Kapombe ambaye hivi karibuni ametwaa tuzo ya mchezaji bora wa msimu uliopita ligi kuu Vodacom, tuzo zilizotolewa na klabu yake ya Azam FC anawindwa na Simba kuhakikisha wanamrejesha katika kikosi chao.
Rais wa Simba, Evans Aveva amesema wana mahusiano mazuri na Kapombe, wamevutiwa pia na kiwango chake alichokionyesha katika ligi msimu uliopita.

"Mimi na wenzangu tunaendelea na jitihada za kumrudisha Msimbazi Kapombe, tumeongea nae amesema hana tatizo kikwazo ni viongozi wa Azam, tunajipanga kukutana nao ili kuona kama watakubali kutupa" alisema Aveva.

Aidha Mwenyekiti huyo wa klabu ya Simba amekiri kuwa haitakuwa kazi rahisi kumpata mchezaji huyo lakini huenda mapenzi ya Kapombe na klabu ya Simba yakasaidia kumnasa beki huyo.

Kapombe alicheza Simba kabla ya kujiunga na Azam FC na alitimkia Azam baada ya kurudi Ufaransa alikokaenda kufanya majaribio katika klabu ya Nancy FC ambako alishindwa kufuzu na aliporudi akajiunga na wanalambalamba hao.

Like Ukurasa Wa Soka24 Facebook Hapa