BOCCO ATAJA KILICHOWAPONZA AZAM FC

Nahodha wa timu ya Azam FC, John Bocco amesema kuwa kushindwa kupata mafanikio katika msimu uliopita kumechangiwa na kuwakosa wachezaji wao muhimu katika kikosi hicho.

Bocco alisema kukosekana kwa wachezaji muhimu katika kikosi kama vile, Farid Mussa, Paschal Wawa, Kipre Tchetche, Shomari Kapombe kuliwafanya wapoteze malengo yao yote na kwamba hilo pia limechangia kwa kiasi fulani kuondoka kwa kocha wao Stewart Hall.

"Ilituumiza sana kwa sababu malengo yetu ilikuwa ni ubingwa na kufika hatua ya makundi ya kombe la shirikisho Afrika, lakini ikawa tofauti" alisema Bocco.

Bocco ni miongoni mwa wachezaji wakongwe katika klabu ya Azam FC, katika msimu uliopita ameifungia timu yake jumla ya magoli sita. Bocco anaimani kuwa makocha wapya walikoja katika kikosi chao na usajili ukienda vizuri basi watafanya vizuri katika michuano mbalimbali ijao.

Like Ukurasa Wa Soka24 Facebook Hapa