OMOG ASHUSHA PRESHA ZA WANAMSIMBAZI

Kocha wa klabu ya Simba, Mcameroon, Joseph Omog amewataka mashabiki wa klabu hiyo kuwa watulivu kufuatia sare ya bila kufungana waliyoipata dhidi ya JKT Ruvu.

Omog amesema hayo ni matokeo ya kawaida ya kimchezo hivyo mashabiki na wanachama wasiwe na wasiwasi.

“Najua wanasimba wana kumbukumbu ya msimu uliopita ambapo timu yao haikuwa ikifanya vizuri katika mechi zake huu ni msimu mwingine na nawahakikishia matokeo yatakuwa mazuri tu,” alisema Omog.

“Lakini lazima watu wajue kuwa Simba ni timu kubwa hivyo kila mtu akikutana nayo anataka kuifunga, tusikatishwe na matokeo ya sare ni kawaida tu,” aliongeza Kocha huyo.

Mashabiki wa Simba wanasumbuliwa na kumbukumbu mbaya ya msimu uliopita ambayo ilishuhudiwa klabu hiyo ikikosa hata nafasi ya pili katika msimamo wa ligi kuu, hivyo matokeo yoyote mabaya kwa kiasi fulani yanaleta huzuni kubwa kwa wapenzi wa klabu hiyo, lakini kocha Omog amesema anaamini makosa yaliyojitokeza katika mchezo dhidi ya JKT Ruvu yatarekebishwa na klabu itafanya vizuri na kuibuka na ushindi mkubwa katika mechi ijayo.

===========
Stori Kubwa Zinazotikisa Anga La Michezo Hivi Sasa;
"Yanga Timu Bora Zaidi Tanzania" Pluijm

Nyota Wa Zamani Wa Man U Aitabiria Ubingwa Chelsea

Aubameyang Aitamani Real Madrid

Simba Yabadili Gia Angani
Ungana na Soka24 Facebook, Bonyeza  HAPA