KIFAA KIPYA YANGA KUTUA LEO JANGWANI

Walter Musona Mshambuliaji kutoka FC Platinum ya Zimbabwe anatarajiw kuwasili Daresalaam leo alasiri kwa ajili ya mazungumzo na klabu ya Yanga.

Kwa mujibu wa chanzo cha uhakika kutoka katika klabu ya Yanga, tayari mambo yote muhimu kuhusiana na ujio wake yamekamilika na kuna matarajio makubwa wakafikia makubaliano na mchezaji huyo na kuanza kuitumikia Yanga msimu ujao.

"Atafika Dar Es Salaam kesho (leo), tunaamini suala lake litaisha na atakuwa mchezaji wa Yanga", kilisema chanzo hicho.

Habari zaidi zinasema dili hilo la kumleta Musona Yanga linasimamiwa kikamilifu na nyota wawili wa Zimbabwe wanaoitumikia klabu ya Yanga kwa sasa, Donald Ngoma na Thaban Kamusoko.
Musona ndiye aliwafunga Yanga goli moja kwa mpira wa adhabu ndogo wakati Yanga ilipowafunga Platinum magoli 5 - 1 uwanja wa Taifa, Dar Es Salaam mwaka jana.

Mshambuliaji huyo anauwezo wa kucheza namba 10, 8 na 6 lakini pia anaweza kucheza winga zote.

Bonyeza hapa ku-Like Page ya Soka24 Facebook