KIFAA KIPYA CHAAHIDI MAKUBWA SIMBA

Kiungo mshambuliaji aliyesajiliwa na Simba hivi karibuni Jamali Mnyate amesema kusaini kwake Simba mkataba wa miaka 2 ni kujiendeleza kimpira na kuisaidia Simba kupata mataji.

Mnyate aliyejiunga na Simba akitokea Mwadui FC, amesema Simba sio mwisho wa mafanikio yake bali ni njia nzuri kwake kama mchezaji kufikia mafanikio makubwa ya kuwa mchezaji wa kulipwa.

"Nimesaini mkataba wa miaka miwili kutimiza ndoto zangu, nilikuwa na ndoto ya kuichezea klabu kubwa nchini na Simba ni mojawapo ya timu kubwa nchini" alisema Mnyate.

Mnyate amewaahidi mashabiki wa Simba kujitolea kwa moyo wake wote ili kuisaidia timu kufanya vizuri msimu ujao na kuomba ushirikiano wao.

Jamali Mnyate ni Mzaliwa wa Kilosa, Morogoro, Agosti 7, 1992, amewahi kucheza timu za Taifa za vijana, Burkina Faso ya Morogoro, Azam Fc ya Daresalaam, Mtibwa Sugar na sasa yuko Simba SC.

Bonyeza hapa ku-Like Page ya Soka24 Facebook