"SINA MPANGO WA KUHAMIA SIMBA" JEBA

Kiungo Ibrahimu Jeba wa klabu ya Mtibwa Sugara amesema hana mpango wa kuihama Mtibwa Sugar kwa sasa.

Simba walionyesha nia ya kumuhitaji kiungo huyo lakini yeye mwenyewe amedai hana mpango wa kuhamia klabu hiyo, Jeba amesema anajua madhara ya kucheza timu kubwa kama Simba hivyo haoni sababu ya  kuenda huko na kuona ni bora abaki katika klabu yake ya Mtibwa ambapo anauhakika wa kucheza.

Akielezea sababu ya kwanini hapendi kucheza katika klabu kubwa Jeba alisema, Vilabu vikubwa mara nyingi huua vipaji vya wachezaji wazawa pale vinaposajili wachezaji wa kigeni huku akisisitiza kuwa mipango yeye ni kuisaidia klabu yake kupata mafanikio ikiwemo kutwaa taji la ligi kuu Vodacom.

"Nashukuru kwa timu kubwa kuonyesha imani ya kunihitaji, lakini bado sijafikiria kuondoka Mtibwa, kwa sababu ninafurahia maisha ya hapa na hata maslahi ambayo ndio kitu kikubwa katika mchezo wa soka" alima Jeba.

Bonyeza hapa ku-Like Page ya Soka24 Facebook