Simba Katika Mtihani Mwingine Wa FA Leo Dhidi Ya Coastal Union

Timu ya Simba inajiandaa kupambana na Coastal Union ya Jijini Tanga leo Jumatatu katika Uwanja wa Taifa Dar es salaam, Kocha wa timu hiyo Jackson Mayanja amesema timu iko fiti wamejiandaa vizuri na wanatarajia ushindi katika mechi ya leo

.

Coastal na Simba zitamenyana kwenye mchezo wa Kombe la FA katika hatua ya robo fainali, wakiwa wanawania kuingia hatua ya nusu fainali huku timu za Yanga, Azam na Mwadui zikiwa tayari zimeshaingia katika hatua hiyo.

“Nimejiandaa vyema na kikosi changu kuelekea mechi yetu na Coastal, tunahitaji kushinda mchezo huo ili kuweza kufanikiwa kuingia hatua inayofuata

.

“Nashukuru wachezaji wangu wapo vyema na Kiiza na Juuko tayari wamesharejea kikosini na wanaendelea na mazoezi kwa ajili ya mchezo huo,” alisema Mayanja.