Timu ya soka ya Simba inatarajiwa kushuka katika dimba la Sokoine Jijini Mbeya siku ya jumatano kuvaana na timu ya wananchi kutoka jijini humo Mbeya City.
Kuelekea Mchezo huo, Klabu ya Mbeya City imetoa onyo kwa Wekundu hao wa Msimbazi kuwa hawatatoka salama katika dimba hilo hivyo wajipange sawasawa kwani Mbeya City wamejipanga vizuri kuondoka na Pointi tatu katika mchezo huo.
Hayo yamesemwa na Msemaji wa Mbeya City, Dismas Ten.
Aidha Msemaji huyo aliongeza kuwa Simba isitegemee kushinda kirahisi katika mchezo huo kama walivyoshinda katika michezo yake iliyopita kwani hata wao wamejiandaa vilivyo na wanahitaji ushindi.
"Simba wajiandae vya kutosha kwa sababu tumedhamiria kufunga magoli mengi, tunajua tabia zao wanapofungwa lazima wakae" alisema Ten.
Msemaji huyo alisema kitu cha msingi kinachohitajika ni uamuzi utakaozingatia sheria 17 za mchezo ili mashabiki wapate burudani na kufurahia ushindi halali wa timu yao.
Mbeya City inashika nafasi ya 4 katika msimamo wa ligi kuu baada ya kucheza michezo minane na kufanikiwa kujikusanyia jumla ya alama 12 zilizowaweka katika nafasi hiyo ya 4.
Dismas pia alisema wachezaji wake waliokuwa majeruhi wako fiti na wameanza mazoezi tayari kwa kuikabili Simba, wachezaji hao ni Sankhani Mkandawile na Haruna Shamte.
"Shamte na Mkandawile wamekuwa sehemu ya kikosi kilichofanya mazoezi jana, hii ni tafsiri kuwa kikosi chetu kimetimia, Simba ni timu ambayo tunaijua, hatuna shaka nao, mara kadhaa wamekuja hapa wakapata kipigo, tunafahamu wamekuwa na mwanzo mzuri wa msimu lakini kuchez na City ni jambo tofauti inawalazimu kujipanga sana, waje nasisi tupo tayari" alisema Ten.
Aidha Simba nao kwa upande wao, huo utakuwa ni mchezo wa kwanza kwao kucheza nje ya Dar Es Salaam huku pia ikitarajiwa kuendeleza wimbi la ushindi waliloanza nalo kwa kasi tangu kuanza kwa msimu huu wa 2016-17 wakiwa hawajapoteza hata mchezo mmoja.
Ungana na Soka24 Facebook, Bonyeza HAPA
Kuelekea Mchezo huo, Klabu ya Mbeya City imetoa onyo kwa Wekundu hao wa Msimbazi kuwa hawatatoka salama katika dimba hilo hivyo wajipange sawasawa kwani Mbeya City wamejipanga vizuri kuondoka na Pointi tatu katika mchezo huo.
Hayo yamesemwa na Msemaji wa Mbeya City, Dismas Ten.
Aidha Msemaji huyo aliongeza kuwa Simba isitegemee kushinda kirahisi katika mchezo huo kama walivyoshinda katika michezo yake iliyopita kwani hata wao wamejiandaa vilivyo na wanahitaji ushindi.
"Simba wajiandae vya kutosha kwa sababu tumedhamiria kufunga magoli mengi, tunajua tabia zao wanapofungwa lazima wakae" alisema Ten.
Msemaji huyo alisema kitu cha msingi kinachohitajika ni uamuzi utakaozingatia sheria 17 za mchezo ili mashabiki wapate burudani na kufurahia ushindi halali wa timu yao.
Mbeya City inashika nafasi ya 4 katika msimamo wa ligi kuu baada ya kucheza michezo minane na kufanikiwa kujikusanyia jumla ya alama 12 zilizowaweka katika nafasi hiyo ya 4.
Dismas pia alisema wachezaji wake waliokuwa majeruhi wako fiti na wameanza mazoezi tayari kwa kuikabili Simba, wachezaji hao ni Sankhani Mkandawile na Haruna Shamte.
"Shamte na Mkandawile wamekuwa sehemu ya kikosi kilichofanya mazoezi jana, hii ni tafsiri kuwa kikosi chetu kimetimia, Simba ni timu ambayo tunaijua, hatuna shaka nao, mara kadhaa wamekuja hapa wakapata kipigo, tunafahamu wamekuwa na mwanzo mzuri wa msimu lakini kuchez na City ni jambo tofauti inawalazimu kujipanga sana, waje nasisi tupo tayari" alisema Ten.
Aidha Simba nao kwa upande wao, huo utakuwa ni mchezo wa kwanza kwao kucheza nje ya Dar Es Salaam huku pia ikitarajiwa kuendeleza wimbi la ushindi waliloanza nalo kwa kasi tangu kuanza kwa msimu huu wa 2016-17 wakiwa hawajapoteza hata mchezo mmoja.
Ungana na Soka24 Facebook, Bonyeza HAPA
0 comments:
Post a Comment