WEST BROM YAVUNJA REKODI YA KLABU USAJILI WA CHADLI

Klabu ya West Bromwich Albion imevunja rekodi ya klabu hiyo kwa kumsajili Winga wa Tottenham Spurs kwa kitita cha Pauni milioni 13.

Chadli alijiunga na Spurs akitokea FC Twente kwa uhamisho wa pauni milioni 7 Julai 2013 na amefanikiwa kufunga magoli 15 katika michezo 88 ya ligi kuu Uingereza aliyowahi kucheza.
Hata hivyo Winga huyo alicheza michezo 10 tu msimu uliopita chini ya kocha Mauricio Pochettino huku Tottenham ikionekana kuvutiwa na Winga wa Crystal Palace Wilfred Zaha.

Rekodi kubwa ya usajili katika klabu ya Albion ni ile ya usajili wa Pauni milioni 12 walioufanya kwa mchezaji wa Zenit St Petersburg, Salomon Rondon.

West Brom inakuwa klabu ya 11 kuvunja rekodi ya usajili wake yenyewe huku klabu zingine zikiwa ni Southampton waliotangaza kumnasa Sofiane Boufa kutoka Lile kwa kitita cha pauni milioni 16.
 Like Ukurasa Wa Soka24 Facebook, Bonyeza  HAPA