SIMBA YANASA KIFAA KINGINE KIPYA

Klabu ya Simba imempa mkataba wa miaka miwili kiungo Mohamed Ibrahimu tayari kwa kuitumikia klabu hiyo msimu ujao.

Rais wa Simba ameyathibitisha hayo kwa kusema usajili wa Ibrahimu utasaidia kuimarisha timu yao ambayo ina ukame wa mataji kwa miaka mitatu mfululizo.

"Ni kweli tumempa mkataba wa miaka miwili jana mchana, na bado tunaendelea kufanya mazungumzo na wachezaji wengine, lengo letu ni kujenga timu yetu na kpia kuhakikisha msimu ujao tunafanya vizuri." alisema Aveva.

"tulikuwa hatutaki kuona masuala yetu ya usajili yanafanyika kwa uwazi kwa sababu nusu ya wachezaji tunaowahitaji kwa ajili ya kuwasajili wana mikataba na timu zao, hivyo inabidi tumalizane kwanza na klabu zao ndio tunaweka wazi" aliongeza Rais huyo.

Meneja wa mchezaji huyo, Jamal Kisongo amekiri taarifa hizo kuwa Ibrahimu "Rasta" amesaini mkataba wa miaka miwili na Simba.

"Rasta amesaini mkataba jana, na hapa ninapoongea ndiyo tunamalizana kwa maana ya kusaini mkataba huo wa miaka miwili." alisema Kisongo.

Like Ukurasa Wa Soka24 Facebook Hapa