KIUNGO MPYA SIMBA TISHIO KWA MKUDE, NDEMLA

Simba imefanikiwa kumsajili Kiungo Mzamiru Yasini akitokea katika klabu ya Mtibwa Sugar.

Yasini amesema hayupo tayari kukaa benchi hivyo atahakikisha anapambana na wakongwe ili kujihakikishia nafasi yake katika kikosi cha kwanza.
Kiungo huyo amesaini mkataba wa miaka miwili kuitumikia klabu hiyo ya Simba.

Mzamiru amesema anafahamu changamoto anayoenda kukutana nayo kwenye timu hiyo na tayari ameanza kujipanga kwa kufanya mazoezi ya nguvu ili kumshawishi kocha aweze kumjumuisha kwenye kikosi cha kwanza cha timu hiyo.

"Naenda Simba nikifahamu nafasi yangu ina wachezaji wengi wazuri na wana uzoefu, lakini nimejipanga kumshawishi kocha aweze kunitumia kwenye kikosi cha kwanza kwa sababu nisingependa kukaa benchi." alisema Yasini.

Aidha Kiungo huyo aliongeza kuwa anafahamu ukubwa wa klabu ya Simba, klabu ambayo mashabiki wake wanahitaji ushindi kila siku, hivyo kuahidi kujituma na kushirikiana vizuri na wenzake ili kurudisha mataji ambayo yamekuwa adimu katika klabu hiyo.
Yasini pia aliwaomba mashabiki kumpa sapoti ili aweze kutumia vizuri ujuzi wake kwa ajili ya kuwapa raha mashabiki hao.

Bonyeza hapa ku-Like Page ya Soka24 Facebook