TFF YABEBESHWA LAWAMA MATOKEO MABAYA YA SIMBA SC

RAIS wa Simba Sports Club Evans Aveva jana alijitokeza mbele ya waandishi wa habari akielezea hali mzima ya ligi kuu Tanzania Bara na muendelezo wa matokeo mabaya ya Simba. Katika hotuba yake Aveva ameitupia lawama TFF kwa kupangua pangu ratiba ya ligi kitu ambacho yeye anaamini kwa kiasi fulani kimechangia matokeo mabovu ya timu yake. 

“Utendaji wao umekuwa sio makini kwa mfano, upangaji mbovu wa ratiba. Kalenda huwa inajulikana mwaka mzima lakini mwaka huu imekuwa tofauti sana, lakini ratiba mbovu imechangia kutuathiri si Simba pekeake lakini pamoja na timu nyingine”. alisema Aveva katika hotuba yake.

Mbali na TFF Aveva pia ameonyesha kutofurahishwa na maamuzi ya waamuzi wa ligi msimu huu akisema wameharibu matokeo ya michezo mingi katika ligi msimu huu.

Aveva pia hakusita kuelezea hisia zake kwa wachezaji wa timu hiyo akisema kuna baadhi yao walikuwa hawapambani kikamilifu katika kuisaidia timu na kwamba walikosa uzalendo.

Simba imeshacheza mechi 29 katika ligi kuu msimu huu wakijikusanyia jumla ya pointi 62 katika nafasi ya 3 wakiwa wametofautiana kwa pointi 1 tu na Azam FC wanaoshika nafasi ya pili katika msimamo wa ligi.

Mchezo wao wa mwisho Simba watacheza na JKT Ruvu