AFRIKA: Mbabane Swallows mikononi mwa Azam kombe la Shirikisho Afrika

Azam yapangwa na Mbabane Swallows

Mabingwa wa  Afrika Mashariki na kati timu ya Azam imepangwa kucheza mchezo wake wa kwanza wa kombe la shirikisho na Mbabane Swallows ya Swaziland.

Mbabane wameitoa timu ya Orapa United ya Botswana kwa mikwaju ya penati baada ya kutoka sare ya 1 – 1 katika Matokeo ya jumla (aggregate).

Azam wao walikaa kusubiri mshindi kati ya timu hizo mbili baada ya kufuzu baadhi ya vigezo vya CAF hivyo kutoshiriki hatua ya awali.

Mshindi kati ya Azam na Mbabane atajumuishwa na timu zitakazotolewa toka   ligi ya mabingwa, na kucheza hatua ya mwisho ya mtoano(playoff).

Katika michezo hiyo ya ‘playoff’ watapatikana washindi 16 ambao watapangwa katika makundi manne ya timu nne nne.

Azam wataanza kibarua cha kutimiza ndoto zao za kufika kwenye makundi march 12 nyumbani Chamanzi, na kurudiana wiki moja badae yani march 17, 18 au 19 huko Swaziland.