SUAREZ AMTAJA ATAKAEKUWA MCHEZAJI BORA DUNIANI

Luis Suarez ameeleza kwanini anaamini Neymar atakuwa mchezaji bora duniani siku za usoni.

Neymar amekuwa katika presha kidogo wiki za hivi karibuni, lakini mchezaji mwenzie Luis Suarez anaamini Neymar atarithi nafasi ya Lionel Messi kwa kuwa mchezaji bora zaidi duniani.

Kufunga magoli 30 katika mechi 48 alizocheza  Neymar kwake Suarez anaona ni uwezo mkubwa sana.

Hata hivyo katika msimu huu Neymar amefunga magoli machache ukillinganisha na magoli aliyofunga msimu uliopita tofauti ikiwa ni magoli 8 huku tabia zake nje ya uwanja zikitiliwa shaka na wapenzi wa mchezaji huyo.

Zoezi la upigaji kura lililoendeshwa na gazeti linalomilikiwa na Barcelona mwezi uliopita juu ya wachezaji wa klabu hiyo, asilimia 62 ya mashabiki wa Barcelona walipiga kura za kutaka kumuuza Neymar kutoka klabuni hapo.

Kumuuza Neymar kutawapa fedha nyingi klabu ya Barcelona ambazo zitawawezesha kuongeza mkataba wa Messi na Suarez na kuongeza nguvu mpya kikosini hapo.

“Neymar atakuja kuwa mchezaji bora Duniani” alisema Suarez, “Amekuwa klabuni kwa miaka miwili sasa, na amekuwa na kiwango bora tangu amewasili” aliongeza Suarez.

Suarez amekuwa na msimu mzuri zaidi akifanikiwa kufunga magoli 40 katika msimu na kuibuka mfungaji bora wa La Liga msimu wa 2015/16.