MBIO ZA UBINGWA LA LIGA ZAZIDI KUWA NGUMU

Barcelona inazidi kubaki kileleni kwa tofauti tu ya magoli na Atletico huku zikiwa zimebaki mechi mbili tu kumaliza msimu baada ya ushindi wao wa jana wa 2 – 0 magoli yaliyofungwa na Rakitic na Luis Suarez dhidi ya Real Betis.

Siku ya jana iliyokuwa na presha kubwa kwa timu zote tatu (Real Madrid, Atletico na Barcelona) kushuka uwanjani, ilishuhudiwa timu hizo zote zikiibuka na ushindi katika mechi zao. Na kuifanya Barca kuendelea kubaki kileleni kwa pointi sawa na Atletico Madrid huku Real Madrid ikiwa pointi moja nyuma ya Atletico na Barcelona.

Antonio Griezmann alitokea Bench na kufunga goli hilo la pekee na la ushindi, Atletico ilipoibuka na ushindi wa goli 1 – 0 dhidi ya Rayo Vallecano.

Goli la Gareth Bale lilitosha kuipa ushindi Real Madrid katika mchezo wao uliopigwa hapo jana dhidi ya Real Sociedad.

Barca wanahitaji kushinda mechi zao mbili zilizobaki, mechi moja wakicheza nyumbani dhidi ya Espanyol na moja ya Ugenini dhidi ya Granada ili kujihakikishia kuutwaa ubingwa huo.

“Sidhani kama Wawili hao (Atletico, Real Madrid) kuna atakaekubali kupoteza pointi katika michezo yao, hivyo tunatakiwa kushinda mechi zetu zote” alisema Bosi huyo wa Barcelona Luis Enrique

Katika mchezo wao Barcelona dhidi ya Real Betis, Beki Heiko Westermann wa Betis alitolewa kwa kadi nyekundu dakika ya 35 ya kipindi cha kwanza baada ya kumchezea rafu mbaya Rakitic, hivyo kupewa kadi ya njano ya pili.

Short La Liga

Standings

#	Team	GP	W	D	L	GF	GA	GD	PTS
1	Barcelona	36	27	4	5	104	29	75	85
2	Atlético Madrid	36	27	4	5	60	16	44	85
3	Real Madrid	36	26	6	4	105	32	73	84
4	Villarreal	35	17	10	8	42	31	11	61
5	Celta Vigo	35	16	9	10	49	55	-6	57

Pata habari za michezo kwa haraka zaidi kupitia soka24.blogspot.com