Stars hoi kwa Warriors

Timu ya taifa ya Tanzania taifa Stars leo imefundishwa kabumbu na timu ya taifa ya Zimbabwe pale ilipokubali kipigo kitakatifu cha goli 3 – 0 katika mchezo wa kirafiki unaonatambulika katika kalenda ya shirikisho la mpira wa miguu Duniani FIFA.

Zimbabwe ambao leo ni kama walipania kuifunga Tanzania walicheza kwa kujiamini huku wakitumia aina ya kugusa mara moja yani kampa kampa tena, iliwachukua dakika 5 tu baada ya mcezo kuanza kujipatia bao lilifunga kiustadi na mshambuliaji Musona baada ya walinzi wa Stars kuzembea kuruka krosi iliyochongwa toka upande wa kulia na kutua kichwani mwa Nyasha Mushekwi alieuparaza na kumkuta mfungaji akiwa yeye na kipa Aish Manula. Kuingia kwa goli hilo kuliwaamsha Stars nakurudi mchezoni na kukosa magoli kupitia kwa Maguri na Mbwana Samatta.

Kipindi cha pili Zimbabwe waliendelea na mchezo wao wa gusa achia na kufanikiwa kujipatia magoli mawili kupitia kwa Mathew Rusike na Nyasha Mushekwi.

Hadi mwisho wa mchezo Zimbabwe 3 – 0 Tanzania.