Timu ya Mbao FC iliyopanda daraja Kufuatia maamuzi ya kamati ya Nidhamu ya TFF ya kuzishusha daraja timu 4 za kundi C na kuifanya Mbao kushika nafasi ya kwanza katika kundi hilo..Imeahidi kuwashangaza wapenda soka katika ligi kuu Tanzania Msimu ujao.
Mbao FC ya jijjini Mwanza itashiriki ligi kuu msimu ujao na tayari viongozi na mashabiki wa timu hiyo wameanza vita ya maneno na vilabu vitakavyoshiriki ligi kuu msimu wa 2016/17, wakizungumzia hatua ya timu yao kushiriki Ligi kuu mashabiki na viongozi wa klabu hiyo wametamba kwa kusema watafanya makubwa katika ligi hiyo yatakayomshangaza kila mtu.
Mwenyekiti wa klabu hiyo amesema hatua hiyo ni nzuri kwao na watajitahidi kukusanya pesa kutoka kwa wadau mbalimbali ili kukisuka vizuri kikosi chao kiweze kuleta ushindani mkubwa katika ligi.
"Utakuwa ukombozi mkubwa kwa wananchi wa Mwanza, kwa sasa Mwanza itakuwa na timu ambayo ni Neutral (isiyoegemea upande wowote) haina cha kumpa mtu pointi, hakuna cha kusema huyu ni mwenyeji wa hapa ashinde na huyu afungwe, tumerudisha furaha ya mpira wa Mwanza" alisema Danny aliyejitambulisha kuwa ni mwanachama wa Mbao FC.
Mbao Fc ni timu ambayo ilianzishwa na wafanyabiasha wa biashara ya Mbao kama ilivyo kwa Stand United iliyoanzishwa na Wapiga debe wa Stand.
Kila La Kheri Mbao FC katika safari yenu Kuelekea Ligi kuu Bara.
0 comments:
Post a Comment