LOUIS VAN GAAL ANAAMINI BADO ANA NAFASI YA KUBAKI MAN UTD

Louis Van Gaal bado anaamini anaweza akatetea kibarua chake kwa kushinda kombe la FA na kumaliza katika nafasi ya Nne katika msimamo wa  ligi kuu nchini England-EPL.

Matumaini ya  Mdachi huyo kumaliza mkataba wake ambao umebakisha mwaka mmoja klabuni hapo yamekuwa ni madogo kutokana na matokea mabaya ya klabu hiyo na mbinu mbovu zinazolalamikiwa na mashabiki wa klabu hiyo. Kwa upande mungine kambi ya Jose Mourinho inaamini kuwa Mreno huyo atachukua mikoba ya Van Gaal mwishoni tu mwa Msimu huu huku ripoti zikisema dili hilo litakamilika mapema kabla ya mazungumzo zaidi kati ya Mourinho na United kufanyika wiki hii.

Wachezaji wote ambao wanapinga Mourinho kutua Old Trafford wanaamini kuwa Bosi Ed Woodward atampa Ryan Giggs kibarua cha kuinoa United, Giggs ambaye aliiongoza timu katika michezo nne ya mwisho mwa msimu wa mwaka jana baada ya David Moyes kutimuliwa klabuni hapo.

United wako Pointi 5 nyuma ya Manchester City na Arsenal wanaoshika nafasi ya 4 kila mmoja. Van Gaal anaamini kuwa kuwapa taji la FA Cup na kuiweka Man United katika nafasi ya 4 ambayo itawawezesha kushiriki michuano ya klabu bingwa ulaya msimu ujao kutawashawishi wamiliki wa klbu hiyo kumwacha amalize mkataba wake wa mwaka mmoja uliobaki. Gaal anakuwa na matumaini hayo wakati huu ambapo anaenda kukutana na Leicester City jumapili hii katika uwanja wa Old Trafford, Leicester ambao  endapo wakishinda mechi hiyo basi wanatawazwa kuwa mabingwa wapya wa ligi msimu huu kwa kufikisha pointi 79, pointi ambazo haziwezi kufikiwa na timu nyingine yoyote katika michezo yote iliyobaki. 


Pata habari za michezo kwa haraka zaidi kupitia soka24.blogspot.com