YANGA; "KOMBE LA UBINGWA LIGI KUU HALINA HADHI"

Ofisa habari wa klabu ya Yanga Jerry Muro amelikosoa kombe la ubingwa wa ligi kuu Tanzania Bara kwa kusema halina Hadhi.

Akizungumza na waandishi wa Habari jana Muro alisema kombe hilo halina hadhi ukilinganisha na ukubwa wa ligi kuu, hivyo kuwaomba TFF pamoja na mdhamini wa ligi kuu kufanya marekebisho ya kombe hilo, Muro aliongeza kwa kusema kombe la Azam Sports Confederation Cup maarufu kama kombe la FA lina mwonekano mzuri na ni zuri ukilinganisha na ligi kuu.

“Lile kombe kwa kweli halina hadhi, lina michubuko kibao," alisema Muro.

Kombe analopewa bingwa wa ligi kuu Tanzania Bara

“Hivyo nawashauri TFF na wadhamini wetu wa ligi ni vema wakariboresha kombe hilo, pia ni lazima liwepo moja litakalofanana na siyo kubadilishwa kila msimu" aliongeza Jerry Muro.

Kombe atakalopewa Bingwa wa FA Cup

Yanga imechukua kombe hilo mara ya 26 tangu kuanzishwa kwa klabu hiyo mwaka 1935.