MKE WA IBRAHIMOVIC AMKATAZA MUWEWE KUJIUNGA NA MAN U

Mke wa Zlatan Ibrahimovic hataki mumewe ajiunge na klabu ya Manchester United.

Helena Seger

Mashabiki wa Manchester United walizipokea kwa furaha habari zilizomhusisha Zlatan kujiunga na klabu yao, lakini furaha hiyo huenda isitimie baada ya Helena Seger Mke wa Zlatan kukataa mumewe kujiunga na mashetani wekundu.

Kwa mujibu wa ripoti ya Goal, Helena Seger atakuwa na ushawishi mkubwa juu ya klabu mpya atakayojiunga nayo Ibrahimovic, na imeelezwa kuwa Helena anataka Zlatan ahamie katika ligi ambayo wachezaji wote wakubwa huwa wanamalizia soka  lao huko. 

Zlatan Ibrahimovic amekuwa akihusishwa na kujiunga na United baada ya kutangaza kuondoka katika klabu yake ya PSG lakini Helena anataka mumewe atimkie Marekani na sio Uingereza.

Ibrahimovic Akiwa na familia yake

Ripoti inaongeza kuwa mwanamke huyo mfanyabiashara mkubwa nchini Sweden anataka mume wake ahamie katika miji mikubwa na anapenda miji ya Marekani. 

Mwanamama huyo anayefanya pia biashara za vifaa vya michezo zikiwemo nguo anatarajia kuzindua nguo mpya zinazojulikana kama A-Z sportswear mwezi june na ameilenga Los Angeles na New York kuwa ni soko kuu la bidhaa zake.