MOURINHO NA VAN GAAL KUFANYA KAZI PAMOJA UNITED

Man U wameripoti kwamba wameamua kufanya mabadiliko ya Uongozi wa juu lakini Van Gaal atabaki United.

Louis Van Gaal atapewa majukumu ya juu ya utawala katika klabu hiyo ili kumpisha Mourinho kuchukua nafasi hapo United. Mourinho amehusishwa kwa muda mrefu sasa kuhamia Old Trafford baada ya Msimu mbaya wa timu chini ya Van Gaal. Na inaonekana kwamba kufeli kwa Van Gaal kuifikisha timu katika nafasi ya Kushiriki UEFA Champions Msimu Ujao Kumefanya Mfumo wa uongozi United kutaka kufanya mabadiliko ya kiutawala.

Lakini ripoti ya The Sun inasema Van Gaal anafikiriwa sana na Mkurugenzi wa United Ed Woodward kupewa nafasi ya Ukurugenzi katika majukumu ya soka klabuni hapo. Van Gaal amebakisha mwaka mmoja katika mkataba wake, hivyo kupandishwa kwake kutoka ukocha hadi Ukurugenzi kutampa nafasi ya kumalizia mkataba wake huku akimpa Mourinho nafasi ya kuwa kocha.

United Itakosa michuano ya UEFA Champions kwa mara ya pili katika misimu mitatu.